ປະຫວັດຫຍໍ້ ແລະ ຜົນງານການຕໍ່ສູ້ປະຕິວັດ
ທ່ານ ໂຊດ ເພັດຣາສີ ອາດີດການນໍາ ແລະ ນັກຮົບປະຕິວັດ ລຸ້ນອາວຸໂສ. ອາດີດຫົວໜ້າຜູ້ຕາງໜ້າແນວລາວຮັກຊາດ ປະຈໍາວຽງຈັນທີ່ຕິດພັນກັບກອງຮ້ອຍ 02, ກອງຮ້ອຍຫິນເພັດ 1962-1974. (ປະຈຸບັນແມ່ນສໍານັກງານແນວລາວສ້າງຊາດຢູ່ຂ້າງຕະຫຼາດເຊົ້າ ທີ່ໄດ້ຖືກທັບມ້າງອອກເພື່ອສ້າງໃໝ່).
ທ່ານ ໂຊດ ເພັດຣາສີ ແມ່ນບຸກຄົນສໍາຄັນຄົນໜຶ່ງໃນຂະບວນການປະຕິວັດປົດປ່ອຍຊາດ ຂອງຊາດລາວວິລະຊົນ. ຕະຫຼອດຊີວິດຂອງເພິ່ນໄດ້ອຸທິຊີວິດ ແລະ ຈິດໃຈເພື່ອການປະຕິວັດທີ່ແທ້ຈິງ,
ເພິ່ນຍອມເສຍສະລະຜົນປະໂຫຍດສ່ວນຕົວທຸກຢ່າງໃນຊີວິດ ເພື່ອອານາຄົດຂອງຊາດລາວເຮົາ. ປະຫວັດຂອງເພິ່້ນ ສົມຄວນຈາລຶກ ແລະ ບັນທຶກໄວ້ໃນປຶ້ມຄໍາປະຫວັດສາດໃນການຕໍ່ສູ້ຂອງຊາດລາວວິລະຊົນຕະຫຼອດໄປ.
- ເຂົ້າຮ່ວມຂະບວນການປະຕິວັດໃນວັນທີ 10 ສິງຫາ 1945
- ອອກແຮງຂົນຂວາຍຊາວໜຸ່ມ, ເຍົາວະຊົນ ເຄື່ອນໄຫວໂຮມຊຸມນຸມ ສົມທົບຍຶດອໍານາດ ວັນທີ 23 ສິງຫາ 1945
- 1946-1947 ເລື່ອນຊັ້ນຈາກຮ້ອຍໂທ ເປັນຮ້ອຍເອກ ແລະ ຮັບຕໍາແໜ່ງເປັນຫົວໜ້າອົບຮົມ ກອງຫຼອນລາວອິດສະລະ ຢູ່ເຂດເມື່ອງກຸມພະວາປີ, ຈັງຫວັດອຸດອນທານີ, ປະເທດໄທ
- 1947-1948 ເລື່ອນຊັ້ນເປັນ ນາຍພັນຕີ ແລະ ມີຕໍາແໜ່ງເປັນ ກໍາມະການກວດກາການເມືອງ ແລະ ການທະຫານ ປະຈໍາພາກຕາເວັນອອກ, ເປັນຜູ້ບັນຊາການກອງພັນ ປະສົມ ລາວ-ຫວຽດ ດ້ານຮົບເມືອງໂມ້, ແຂວງຊຽງຂວາງ
- 1954 ດໍາລົງຕໍາແໜ່ງຮອງເຈົ້າແຂວງ ຜົ້ງສາລີ (ເຂດປົດປ່ອຍ)
- 1961-1962 ດໍາລົງຕໍາແໜ່ງໃນຄະນະເຈລະຈາສອງຝ່າຍແນວລາວຮັກຊາດຫຼາຍຄັ້ງ ເພື່ອເຈລະຈາຢຸດຍິງ, ສະຫງົບເສິກ ກັບຝ່າຍວຽງຈັນ.
- 1964-1974 ສູນກາງພັກ ແລະ ແນວລາວຮັກຊາດ ໄດ້ແຕ່ງຕັ້ງໃຫ້ ທ່ານ ໂຊດ ເພັດຣາສີ ເປັນຜູ້ຕາງໜ້າແນວລາວຮັກຊາດປະຈໍາວຽງຈັນ
- 1972-1973 ທ່ານ ໂຊດ ເພັດຣາສີ ໄດ້ຖືກແຕ່ງຕັ້ງໃຫ້ເປັນຮອງຫົວໜ້າຄະນະເຈລະຈາຝ່າຍບັນດາກໍາລັງຮັກຊາດ
- 1973 ລັດຖະມົນຕີ ກະຊວງ ເສດຖະກິດ ໃນຄະນະລັດຖະບານປະສົມຊົ່ວຄາວແຫ່ງຊາດ
- 1973-1975 ໄດ້ຖືກແຕ່ງຕັ້ງໃຫ້ເປັນປະທານຄະນະປະສົມສູນກາງ ເພື່ອປະຕິບັດສັນຍາຂອງຝ່າຍບັນດາກໍາລັງຮັກຊາດ
- 07 ມັງກອນ 1978 ກົມການເມືອງໄດ້ແຕ່ງຕັ້ງໃຫ້ ທ່ານ ໂຊດ ເພັດຣາສີ ຮັບໜ້າທີ່ເປັນ ເອກອັກຄະລົດຖະທູດ ວິສາມັນ ຜູ້ມີອໍານາດເຕັມ ປະຈໍາ ສະຫະພາບ ໂຊຫວຽດ ແລະ ທັງຮັບຜິດຊອບອີກ 8 ປະເທດສັງຄົມນິຍົມ
- 1980-1983 ຜູ້ອໍານວນການໃຫຍ່ ທະນາຄານແຫ່ງ ສ.ປ.ປ. ລາວ (ທະນາຄານກາງ)
ໝາຍເຫດ: ປະຫວັດລະອຽດຂອງເພິ່ນ ກໍາລັງຢູ່ໃນຂັ້ນຕອນການຮວບຮວມ ແລະ ຈະຖືກເຜີຍແຜ່ໃຫ້ລູກຫຼານປະຊາຊົນລາວໄດ້ສຶກສາຮຽນຮູ້ໃນໄວໆນີ້. ແລ້ວຈະປະກາດແຈ້ງການໃຫ້ຊາບພາຍຫຼັງ.
.jpg)
.jpg)
